ކޮރޯނާވައިރަސް ނުވަތަ ކޮވިޑް-19 އާއި ގުޅިގެން ރާއްޖޭގައި ހާލުގައި ޖެހިފައިވާ ފަރާތްތަކަށް ޒަކާތު ފަންޑުން އެހީވުމަށް ނިންމައިފިއެވެ.
ރޭ "ރާއްޖެޓީވީ" އަށް ދެއްވި އިންޓަވިއުއެއްގައި އިސްލާމިކް މިނިސްޓަރު ޑރ.އަހުމަދު ޒާހިރު ވިދާޅުވީ ޖެންޑަރ މިނިސްޓްރީގެ ބެލުމުގެ ދަށުގައި ތިބި ފަރާތްތަކަށް ޒަކާތު ފަންޑުން 1 މިލިއަން ރުފިޔާ ހަރަދުކުރާނެ ކަމަށާއި މީގެއިތުރުން ބޭރު ގައުމުތަކުގައި ތިބި ދިވެހިންނަށް އެހީވުމަށް 3 މިލިއަން ރުފިޔާ ހަަރަދުކޮށްފައިވާކަމަށެވެ
އިސްލާމިކް މިނިސްޓަރ ވިދާޅުވީ ހާލަތަށް ރިއާޔަތްކޮށް ޒަކާތު ފަންޑުން ހަރަދުކުރާ އަދަދު މުރާޖައާކުރާނެ ކަމަށާއި ފުރަތަމަ މި ހަރަދުކުރީ ރާއްޖޭން ބޭރުގައި ހާލުގައި ޖެހިފައިވާ ފަރާތްތަކަށް،ކަމަށެވެ.
