ފިހާރަތަކަށް ދާން ހުއްދަ ދީފައި އޮތް ނަމަވެސް އުމުރުން ދުވަސްވީ މީހުން ފިހާތަކަށް ނުދިއުމަށާއި ގެއިން ބޭރަށް ނުކުމެ ނުއުޅުމަށް އިލްތިމާސްކޮށްފިއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ޑރ. މުރާދު ވިދާޅުވީ އުމުރުން ދުވަސްވީ މީހުން މިވަގުތު ފިހާރަތަކަށް ދިއުން ރައްކައުތެރި ނޫން ކަމަށެވެ. އެހެންކަމުން އުމުރުން ދުވަސްވީ މީހުން ގޭގައި މަޑުކޮށްފައި އެހެން ބައަކު ފިހާރަތަކަށް ފޮނުވަން އެދިވަޑައިގަންނަވާ ކަމަށެވެ.
މީގެ އިތުރުން ޑރ. މުރާދުވަނީ އެކިއެކި މަސައްކަތްތަކަށް މިހާލަތުގައިވެސް ނުކުންނަން ޖެހޭ މީހަކު ނަމަވެސް އަރިދަފުސް ރޯގާގެ ޢަލާމާތެއް ހުރި ނަމަވެސް މަސައްކަތު ނުނުކުމެ ވީހައި އަވަހަކަށް ކްލިނިކަށް ދެއްކުމަށް އެދިވަޑައިގެންފައެވެ.
މީގެ އިތުރުން ޑރ. މުރާދުވަނީ ޞިއްހީ ދުޅަހެޔޮކަމަށްޓަކައި ޑޮކްޓަރުން ދެއްވަމުން ގެންދަވާ އިރުޝާދުތަކަށް ޢަމަލުކުރަން ސަމާލުކަން ދިނުމަށް އިލްތިމާސްކުރައްވައިފައެވެ.
