މޫސުމީ ބަދަލުތަކާ ކޮވިޑް-19 ފަދަ ބަލިމަޑުކަމުގެ ހާލަތްތަކަށް ވެސް ރިއާޔަތްކުރަންޖެހޭ ކަމަށް ރައީސް އިބްރާހީމް މުޙައްމަދު ޞާލިޙް ވިދާ:ޅުވެއްޖެއެވެ.
މިއަދު ފާހަގަކުރާ "އާތް ޑޭ" ގެ މުނާސަބަތުގައި ކުރެއްވި ޓްވީޓެއްގައި އެމަނިކުފާނު ވިދާޅުވެފައިވަނީ މޫސުމީ ބަދަލުތަކުގެ ސަބަބުން ލިބޭ ގެއްލުންތަކުން އަރައިގަތުމަށް ކުރަން ޖެހޭ މަސައްކަތްތައް އެންމެ ބާރުމިނުގައި ކުރަމުން ގެންދަން ޖެހޭ ކަމަށާއި އެކަމުގެ ނުރއްކާ ރާއްޖެ ފަދަ ނާޒުކު ޤައުމުތަކަށް އިންތިހާއަށް ބޮޑުވެފައިވާއިރު ކޮވިޑް 19 ގެ ވަބާ އާއި މޫސުމީ ބަދަލުތަކުން ކުރިމަތިވެފައިވާ މައްސަލަތަކަށް ތައްޔާރުވެ ތިބުމުގެ މަސައްކަތް ކުރާއިރު މޫސުމީ ބަދަލާއި ކޮވިޑް-19 ފަދަ ބަލިމަޑުކަމުގެ ހާލަތްތަކަށް ވެސް ރިއާޔަތްކުރަންޖެހޭ ކަމަށެވެ.
މިހައުތަނަށް ދުނިޔޭގެ "އާތް ޑޭ" އަންނަނީ ދުނިޔޭގެ ފެންވަރުގައި ވަރަށް ކުލަގަދަކޮށް ފާހަގަކުރަމުންނެވެ. ނަމަވެސް މިއަހަރު ދިމާވެފައިވާ ޙާލަތުގެ ސަބަބުން އެންމެންނަށްވެސް ސަމާލުކަން ދޭން ޖެހިފައިވަނީ ﷲ ގެ ވާގިފުޅާއިއެކު ކޮރޯނާގެ ވަބާއިން ސަލާމަތް ވެވިދާނެ ގޮތްތަކަށެވެ.
On #EarthDay the climate crisis is more urgent than ever. Climate change combined with COVID19 heightens the vulnerability of island nations such as Maldives. Future efforts to build resilience must address vulnerabilities from climate shocks as well as pandemics such as COVID19.
— Ibrahim Mohamed Solih (@ibusolih) April 22, 2020
