އިތުރު ދެ ދިވެހިން ކޮރޯނާއަށް ޕޮޒިޓިވްވުމާއި ގުޅިގެން މިއަދު ފަށަން ޖެހުނު މާލެއިން ޕޮޒިޓިވްވި މީހުންގެ އަދަދު މިވަނީ 66 އަށް އަރައިފައެވެ.
ޑރ. އިބްރާހީމް އަފްޒަލް ވިދާޅުވީ ރައްކައުތެރިވުމުގެ ގޮތުން އަޅާފައިވާ ފިޔަވަޅުތަކަށް ރައްޔިތުން މިހާރު އަމަލުކުރަމުން ގެންދާތީއާއި މުޅި ރާއްޖެ ލޮކްޑައުން ކޮށްފައި އޮތުމުން ގައިންގައަށް އެރުމުގެ ފުރުޞަތު މިހާރު ވަރަށް ކުޑަވާނެ ކަމަށެވެ.
ރާއްޖެއަށް ބަލައިފިނަމަ 66 އަކީވެސް ވަރަށް ގިނަ އަދަދެކެވެ. ކޮންޓެކްޓް ތައް ގިނަވަމުން އަންނާތީ އަދިވެސް އަދަދު ބޮޑުތަނުން އިތުރުވުމުގެ ފުރުޞަތު ބޮޑެވެ. އެހެންކަމުން މިހާލަތުގައި އެންމެ މުހިންމީ ﷲ ގެ ޙަޟްރަތުން ވާގިއެދުމާއިއެކު ސަބަބުތަކުގައި ހިފެހެއްޓުން ވީހައި ބޮޑަށް ވަރުގަދަކުރުމެވެ.
