މި ބަލީގެ ފަރުވާއަކީ ގޭގައި ތިބުން ކަމަށާއި އަދި އިޖުތިމާއީ ގައިދުރުކަން ކަމަށް ހެލްތު މިނިސްޓަރު އަބްދުﷲ އަމީން ވިދާޅުވެއްޖެއެވެ.
މާލޭގައި ދިރިއުޅޭ ދިވެއްސެއްގެ ފަރާތުން ކޯވިޑް19 ގެ އަލާމާތްތައް ފެނި، ހެދި ޓެސްޓުތައް ޕޮޒިޓިވް ވުމާއި ގުޅިގެން، މާލެ ސިޓީ ވަނީ "ލޮކްޑައުން" ކޮށްފައެވެ.
މާލެ "ލޮކްޑައުން" ކުރުމާއި ގުޅިގެން މިނިސްޓަރު އަމީން ވިދާޅުވީ އަމިއްލަ ގެއިން ކެއުން ފަދަ ކަންކަން ހަމަޖެހިފައި ނެތް މީހުން އަމަލުކުރަންވީ ގޮތް ވަރަށް އަވަހަށް އަންގާނެ ކަމަށެވެ.
މި ދަނޑިވަޅުގައި އެއްވެސް ވަރަކަށް މަގުމައްޗަށް ނުކުމެ ނޫޅުމަށް އެޗްޕީއޭއިން ވަނި ބުނެފައެވެ.
