އިސްލާމް ދީނުގައިވާ ގޮތަށް އެކަކު އަނެކަކަށް އޯގާތެރިވެ އެހީތެރިކަން ފޯރުކޮށްދިނުމަށް ރައީސް އިބްރާހީމް މުޙައްމަދު ޞާލިޙް އިލްތިމާސް ކުރައްވައިފިއެވެ.
އެކަމަށް އެމަނިކުފާނު އިލްތިމާސްކުރައްވާފައިވަނީ މާލެއިން ކޮރޯނާ ވައިރަސްއަށް މީހަކު ޕޮޒިޓިވްވުމާއި ގުޅިގެން މިއަދު ޤައުމާއި މުޚާޠަބް ކުރައްވައި ދެއްކެވި ވާހަކަފުޅުގައެވެ. ވާހަކަފުޅު ދައްކަވަމުން ގެންދެވީ ކަރުނަ އާއިއެކު އެވެ. މިކަމުން އަންގައިދެނީ ޙާލަތުގެ ހުރި ނުރައްކައުތެރިކަމުގެ އިތުރުން އެމަނިކުފާނުގެ ހިތްޕުޅުގައި ދިވެހި ރައްޔިތުންގެ މައްޗަށް އޮތް ކުލުނާއި ލޯބީގެ މަތިވެރިކަމެވެ.
ރައީސް އިބްރާހީމް މުޙައްމަދު ޞާލިޙް ވިދާޅުވީ ބަލިން ރައްޔިތުންނަށް ސަލާމަތްތެރިކަން ފޯރުކޮށްދިނުމަށް ކުރެވެން ހުރި ހުރިހައި މަސައްކަތްތަކެއް ސަރުކާރުން ކުރާނެ ކަމުގެ ޔަޤީންކަން ދެއްވަވާ ކަމަށެވެ.
ހުރިހާ ރައްޔިތުންގެ ކިބައިން މި އެދެނީ އެކަކު އަނެކަކާ މެދު އޯގާތެރިކަމާއި އެކުވެރިކަމާއެކު މުޢާމަލާތް ކުރުމަށް. އަދި ކެތްތެރިކަން އިސްކުރައްވައި އިސްލާމް ދީނުގެ މަތިވެރި އުޞޫލުތަކުގެ ތެރެއިން އެކަކު އަނެކަކަށް އެހީތެރިވުމަށް.
— The President's Office (@presidencymv) April 15, 2020
ޖަނަވަރީ މަހުގެ ފުރަތަމަ ހަފްތާއިން ފެށިގެން ރާއްޖޭގައި ކޮވިޑް 19 ފެތުރިގެން ހިނގައިދާނެ ޙާލަތަކަށް ސަރުކާރުން އޮތީ ތައްޔާރަށް. ޚާއްސަކޮށް މާލެތެރެއިން، އެންމެ މީހަކު ވިޔަސް މި ބައްޔަށް ޕޮޒިޓިވްވެދާނެ ކަމަށް ބަލައި އަޅުގަނޑުމެން މިތިބީ ތައްޔާރުވެގެން.
— The President's Office (@presidencymv) April 15, 2020
