މިއަދު ގަންނަމުންދާ ހުރިހާ ބިރަކީ ވެސް އިޚްލާޞްތެރިކަމާއިއެކު ﷲ ތަޢާލާއަށް ގަންނަ ބިރު ކަމުގައި ހަދާށެވެ! ﷲ ތަޢާލާއަށް ބިރުވެތިވާ އަޅުންނަށް ކުރިމަތިވާ ހުރިހާ މުޞީބާތްތަކާއި ދަތި އުނދަގޫތަކަކީ ﷲ ތަޢާލާ މިންވަރުކުރައްވަވާ ނިޢްމަތްތަކަކަށް އެކަލާނގެ ބަދަލުކޮށްދެއްވަވާނެތެވެ.
މާޔޫސް ނުވާށެވެ! އެއީ ﷲ ތަޢާލާގެ ވަޢުދުފުޅެކެވެ. ކޮންމެ ދަތި އުނދަގޫ ޙާލަތަކަށްފަހު އުފާވެރިކަން މިންވަރުކުރައްވަވާނެކަން އެއީ ﷲ ތަޢާލާގެ ވަހީ ބަސްފުޅުން އެނގި ޔަޤީންވާ ކަމެކެވެ. ﷲ ތަޢާލާގެ ކޮންމެ ވަޢުދުފުޅަކީވެސް ފުއްދަވައި ދެއްވަވާނެކަން ޔަޤީން ވަޢުދުފުޅުތަކެކެވެ.
ވަށައިގެން އިވެމުން އަންނަނީ ބިރުވެރި އަޑުތަކެވެ. މުސލިމުންނަކީ އިވޭ އަޑުތަކަށް ބިރުގަނެގެންވާނެ ބައެއް ނޫނެވެ. މުސްލިމުން އިތުބާރުކޮށް ޔަޤީންކުރަންވީ ﷲ ތަޢާލާގެ ވަޢުދުފުޅުތަކެވެ.
--މުފްތީ މެންކުގެ ނަޞޭޙަތެއް
