މެލޭޝިއާގެ ކުއަލަރަމްޕޫރަށާއި އިންޑިއާގެ ޓްރެވެންޑްރަމްގައި ތިބި ދިވެހިން ރާއްޖެ ގެނައުމަށް މޯލްޑިވިއަންއިން ފްލައިޓް ގެ ދަތުރުތަކެއް ބާއްވަން ނިންމައިފިއެވެ.
ފޮރިން މިނިސްޓަރު ޝާހިދު ވިދާޅެފައިވަނީ އިންޑިއާގެ ޓްރެވެންޑްރަމަށާއި މެލޭޝީއާގައި ވެސް ގިނަ ދިވެހިންތަކެއް ރާއްޖެ އަންނަން ބޭނުންވެފައި އެބަ ތިބި ކަމަށާއި އެ ދެ ތަނަށް ދަތުރުކުރާ ފްލައިޓްތަކުގެ މައުލޫމާތު ވަރަށް އަވަހަށް ހާމަ ކުރައްވާނެކަމަށެވެ.
މޯލްޑިވިއަން އިން ވެސް ބުނެފައި ވަނީ މެލޭޝިއާއި އިންޑިއާ އަށް ވަރަށް އަވަހަށް ފްލައިޓް ބާއްވައި، ދިވެހިން ގެނައުމުގެ މަސައްކަތް ކުރާނެ ކަމަށެވެ.
ކޮރޯނާއާއި ގުޅިގެން މިދުވަސްކޮލު ރާއްޖެ އަންނަ މީހުން 14 ދުވަސް ވަންދެން ކަރަންޓީނުގައި ތިބެން ޖެހެއެވެ.
I'm glad that @MaldivianAero assures that it will also operate flights from Trivandrum and Kuala Lumpur and will announce details soon, so that Maldivians remaining in these cities will have the opportunity to return home as well. @MoFAmv will continue to coordinate & facilitate.
— Abdulla Shahid (@abdulla_shahid) April 4, 2020
