ގޭގައި މަޑުކޮށްލަން ލިބުމުން މިއީ ގެއްލިފައިވާ ރޯދަ ހިފުން، ނުކީ އޮތް ފޮތެއް ކިޔައިލުން ފަދަ ކަންކަން ކޮށްލަންވެސް ރަނގަޅު ފުރުޞަތެއް ކަމަށާއި ސަރުކާރުން އެދެނީ ހަަމ ގޭގައި މަޑުކޮށްލަ ދިނުން ކަމަށް ސަރުކާރުގެ ތަރުޖަމާނު މުޙައްމަދު މަބްރޫކް ވިދާޅުވެއްޖެއެވެ.
މަބްރޫކް މިމޭރުމުން ވިދާޅުވީ ކޮރޯނާ ވައިރަސް އާއި ގުޅިގެން ސަރުކާރު ބަންދުކޮށްފައިވާ މުއްދަތުގައި ގޭގައި މަޑުކުރުމުގެ މުހިންމުކަން ފާހަގަކުރައްވައި ދެއްކެވި ވާހަކަފުޅުގައެވެ.
ސަރުކާރުގެ އިލްތިމާސް ގިނަ ބައަކު ޤަބޫލުކުރާކަން މަގުތަކުން ދަނީ ފެންނަމުންނެވެ. އެހެންކަމާއިއެކުވެސް އަދި ބައެއް ޒުވާނުން މުހިންމު ކަމެއް ނެތި މަގުތަކުގައި އުޅޭކަން ކަމާއިބެހޭ ފަރާތްތަކުން ގެންދަނީ ފާހަގަކުރަމުންނެވެ.
