ޕީއެސްއެމްގެ ޗެނަލް ޔޭސްޓީވީ މެދުވެރިކޮށް މާދަމާ ގްރޭޑް 10 އެއްގައި ކިޔަވާ ދަރިވަރުންގެ ފިލާވަޅުތައް ގެނެސްދޭން ނިންމައިފިއެވެ.
އެޑިއުކޭޝަން މިނިސްޓްރީން ބުނެފައިވަނީ މާދަމާ "ޔެސް ޓީވީ"ން ދަރިވަރުންގެ ފިލާވަޅުތައް ގެނެސްދޭ "ޓެލެ ކިލާސް"ތައް ފަށާނީ ހެނދުނު 8:00 އިން ފެށިގެން މެންދުރު 2:00 އަށް ފިލާވަޅުތައް ކުރިއަށް ގެންދާނެ ކަމަށެވެ.
މި"ޓެލެ ކިލާސް"ތަކުގައި ނަގައިދޭ މާއްދާތަކަކީ؛ އިސްލާމް، އިނގިރޭސި، ހިސާބު، ކޮމްޕިޔުޓަރު ސްޓަޑީޒް އަދި ދިވެއްސެވެ.
ކޮރޯނާވައިރަސް ނުވަަތަ ކޮވިޑް-19 ގެ ސަބަބުން ސްކޫލްތައް އިތުރަށް ބަންދުކުރަން ޖެހިއްޖެ ހާލަތަަކަށް ތައްޔާރުވުމުގެ ގޮތުން ދެން ބޭނުންކުރާނެ ސްކީމާއި ފިލާވަޅުތަކަށް ބޭނުންވާނެ އެހީއާއި އެތަކެތި ތައްޔާރުކުރުމުގެ މަސައްކަތް ޓީޗަރުން މި ފެށޭ ހަފްތާގައި ކުރިއަށްގެންދާނެ ކަމަށް ވެސް އެޑިއުކޭޝަން މިނިސްޓްރީން ވަނީ ބުނެފައެވެ.
"ޓެލިކިލާސް" ފެށުން: މި ޕްރޮގްރާމްގައި ގްރޭޑް 10ގެ ދަރިވަރުންނަށް އަމާޒިުކޮށްގެން ފިލާވަޅުތައް ނެގިގެންދާނެ. މާދަމާ ( 15 މާރިޗް 2020 ) ނަގައިދެވޭނެ ފިލާވަޅުތަކާއި ގަޑިތައް ތިރީގައިމިވާ ޓޭބަލުގައިވަނީ ހިމެނިފައި. pic.twitter.com/SwNsJuQmuC
— Ministry of Education (@MoEdumv) March 14, 2020
