ބ އަތޮޅު ފެހެންދޫއަށް ދިއަ ފަތުރުވެރިއެއްގެ ކިބައިން ޢަލާމާތްތައް ފެނުމުން ފެހެންދޫއަށް އަރާފޭބުން މަނާކޮށްފިއެވެ.
ނޫސްވެރިންނަށް މައުލޫމާތު ދެއްވަމުން ރައީސް އޮފީހުގެ ތަރުޖަމާނު މުޙައްމަދު މަބްރޫކް ވިދާޅުވީ ކޮންޓެކްޓް ޓެރޭސިން ހެދުމަށް ޑޮކްޓަރުންގެ ޓީމެއް އެ ރަށަށް މިހާރު ދަތުރުކުރާ ކަމަށެވެ.
ފެހެންދޫ އަކީ މީސްކޮޅު މަދު، ފުޅައުދާއިރާއެއްގައި ގެސްޓް ހައުސް ވިޔަފާރިކުރަމުން އަންނަ ރަށެކެވެ. މީގެކުރިން ވ. ތިނަދޫންވެސް ވަނީ ފަތުރުވެރި، ކުޑަކުއްޖަކަށް ޝައްކުކުރެވިގެން ޓެސްޓްކޮށްފައެވެ. އޭނާގެ ރިޒަލްޓް ވަނީ ނެގަޓިވްވެފައެވެ.
