ރޯދައިގެ ނިޔަލަށް ކާޑަށް ދަތިނުވާވަރަށް މިހާރުވެސް ރާއްޖޭގަ ކާޑު އެބަހުރި ކަމަށާއި ކާޑަށް ދަތިނުވާނެ ގޮތަށް ސަރުކާރުން އިންތިޒާމްތައް ހަމަޖައްސާނެ ކަމަށް ޓޫރިޒަމް މިނިސްޓަރު ޢަލީ ވަޙީދު ވިދާޅުވެއްޖެއެވެ.
ދަރުބާރުގޭގައި ނޫސްވެރިންނަށް މައުލޫމާތު ދެއްވަމުން ޢަލީ ވަޙީދު ވިދާޅުވީ ކާޑުގެ ކަންކަމުގައި ސަރުކާރުން ފިޔަވަޅުތައް އަޅަމުން ގެންދަނީ ރާއްޖޭގައި ގިނަ ޢަދަދެއްގެ ބިދޭސީން ތިބި ކަމަށްވެސް ވިސްނައިގެން ކަމަށެވެ.
ޢަލީ ވަޙީދު ވިދާޅުވީ ކާޑު ހުސްވެދާނެކަމަށް ޤަބޫލުކުރެވިގެން ކޮންމެ މީހަކު ކާޑު އެއްކުރަން ފަށައިފިނަމަ ސްޓޮކް ބަލަހައްޓަންވެސް އުނދަގޫތައް ކުރިމަތިވެ ތަފާތު މައްސަލަތައް ކުރިމަތިވެދާނެ ކަމަށާއި އެފަދަ ކަންކަން ކުރަން ޖެހޭ ޙާލަތަށް ރާއްޖޭގައި އެއްވެސް ކަމެއް އަދި ނުދާ ކަމަށެވެ.
