"ފޭކް ވީޑިއޯތައް ހަދާ ޒަމާނެއްގައި ފުރަތަމަ އެ ވީޑިއޯގެ ޞައްޙަ ނުޞައްޙަ ކަމާ ބެހޭ ފަރާތްތަކުން ޔަޤީން ކުރަން ޖެހެއެވެ. ހަމަ އެފަދައިން، ބަޔަކުގެ ނަމުގައި، އެހެން ބައަކު ކަމެއް ކޮށްފައި އަޅުވާނަމަ، އެއީ ތިމަންނަމެން ނޫންކަންވެސް އެބައަކު ބަޔާން ކުރަން ވާނެއެވެ.
އަދި އެ ޓެލެގްރާމް ޗެނެލްގެ ފަހަތުގައި ތިބީ ކޮންބައެއް ކަންވެސް ހޯދަން ޖެހެއެވެ. މި ޒަމާނުގައި ބޭނުން ނަމެއްގައި ޓެލެގްރާމް ޗެނެލެއް ހަދައި، ވީޑިއޯވެސް ހެދި ދާނެއެވެ. މުހިންމީ، އޭގެ ފަހަތުގައިވާ ބައަކު ހޯދައި ގަތުމެވެ. ކަމާ ބެހޭ ފަރާތުން މިކަން ޔަޤީން ކުރަން ޖެހެއެވެ.
ރާއްޖޭގެ ދާޚިލީ ހަމަޖެހުމާ އެއްވެސް ބައަކަށް ކުޅެވުނަ ދީގެން ނުވާނެއެވެ. ސަލާމަތީ ބާރުތަކުން ރާއްޖޭގެ ރައްކައުތެރިކަމާއި އަމަންއަމާންކަން ހިފެހެއްޓުމުގައި ޒިންމާ ދާރުކަމާއި ވަފާތެރިކަމާއެކު މަސައްކަތް ކުރަން ޖެހޭނެއެވެ!"
- ޝައިޚް ޝަފީޢު ޢަބްދުﷲ
