ޗައިނާގައި ކޮރޯނާ ވައިރަސް ފުރަތަމަ ފެނުނު ވުހާން ސިޓީގައި ތިބި ދިވެހިންގެ ތެރެއިން ރާއްޖެ އަންނަން ބޭނުންވި ދިވެހިން އެ ސީޓީން ބޭރުވުމަށް ޗައިނާއިން ފޯރުކޮށްދިން އެހީތެރިކަމަށްޓަކައި ޗައިނާ ސަރުކާރަށާއި ރާއްޖޭގައި ހުންނަވާ ޗައިނާ ސަފީރަށް ރައީސް އިބްރާހީމް މުޙައްމަދު ޞާލިޙް ޝުކުރު އަދާކުރައްވައިފިއެވެ.
ރާއްޖޭގައި ހުންނަވާ ޗައިނާ ސަފީރު ވިދާޅުވެފައިވަނީ ޗައިނާގައި ތިބި ދިވެހިންގެ ތެރެއިން އެނބުރި އަންނަން ބޭނުންވާ މީހުންގެ ކަންކަމާއި ރާއްޖޭގައި ތިބި ޗައިނާ ފަތުރުވެރިން އެނބުރި ޗައިނާއަށް ދިއުމުގެ ކަންކަން ވަރަށް ރަނގަޅަށް ކުރިއަށް ގެންދެވޭ ކަމަށެވެ.
ޗައިނާއަކީ ރާއްޖޭގެ އިޞްޠިޞާދާއި ޢުމްރާނީ ކުރިއެރުމަށް އެންމެ ބޮޑު އެހީތެރިކަމެއް ފޯރުކޮށްދެމުން އަންނަ ޤައުމެވެ. ފާއިތުވި 8 އަހަރު އެއް ޤައުމަކުން އެންމެ ގިނަ ފަތުރުވެރިން ރާއްޖެއަށް ޒިޔާރަތްކުރި ޤައުމަކީވެސް ޗއިނާއެވެ. އެހެންކަމުން ޗައިނާ ވެފައިވަނީ ރާއްޖޭގެ އިްްޠިޞާދަށް އެންމެ ބޮޑަށް ކުރިއެރުން ހޯދައިދޭ ޤައުމަށްކަން ފާހަގަކުރެވެއެވެ.
Following the evacuation of Maldivians living in Wuhan, China, I’d like to take this opportunity to thank @AmbassadorZhang, and the Chinese government for their assistance and support to Maldivians living in China following the outbreak of the novelCorona virus.
— Ibrahim Mohamed Solih (@ibusolih) February 2, 2020
