އިއްޔެ ހަވީރު 6:00 އިން މިއަދު ހަވީރު 6:00 އަށް އެޗްޕީއޭގެ ޙިސާބުތައް ދައްކާ ގޮތުން ކޮރޯނާ ވައިރަހަށް ޕޮޒިޓިވްވީ 55 މީހުން ކަމަށް އެޗްޕީއޭ އިންބުނެފިއެވެ.
މިއަދު ޕޮޒިޓިވްވި 55 މީހުންގެ ތެރޭގައި ހިމެނެނީ 31 ދިވެހިންނާއި 21 ބަންގްލަދޭޝްގެ މީހުންނާއި އިންޑިއާގެ ދެ މީހަކާއި ސްރީލަންކާގެ މީހެކެވެ.
މިއަދު ކޮވިޑަށް ޝިފާ ލިބުނީ 70 މީހަކަށެވެ. ޝިފާ ލިބުނު މީހުންގެ ޢަދަދު މިހާރު މިވަނީ 2،498 އަށް އަރައިފައެވެ. މިއަދާއި ހަމައަށް ޕޮޒިޓިވްވި މީހުންގެ އަދަދު ވަނީ 3،175 އަށް އަރައިފައެވެ.
މި ބަލީގައި 15 މީހަކު ވަނީ ނިޔާވެފައެވެ.
