އައިޖީއެމްއެޗުގައި އެޑްމިޓްކުރި އުމުރުން 39 އަހަރުގެ އިންޑޮނީޝިއާގެ ފިރިހެނަކު ކޮވިޑް ޖެހިގެން މިއަދު މަރުވެއްޖެއެވެ.
މިކަމާގުޅިގެން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ މިމީހާމަރުވެފައި ވަނީ މިއަދު ހެނދުނު 9:47 ހާއިރު ކަމަށެވެ.
މިއީ މިބަލީގައި ރާއްޖެއިން މަރުވި 11 ވަަނަ މީހާއެވެ.
އެޗްޕީއޭގެ މިއަދުގެ ޙިސާބުތައް ދައްކާ ގޮތުން ކޮރޯނާ ވައިރަހަން މިއަދު ޕޮޒިޓިވްވީ 13 މީހުންނެވެ. މީގެތެރޭގައި ހިމެނެނީ ބަންގްލަދޭޝްގެ 7 މީހަކާއި ދިވެހި 5 މީހަކާއި އަދި އިންޑިއާގެ މީހެކެވެ.
މިއަދާއި ހަމައަށް މިހައިތަނަށް ޕޮޒިޓިވްވި މީހުންގެ އަދަދު ވަނީ 2337 އަށް އަރައިފައެވެ.
