ކޮވިޑް-19 ފެތުރުން ކުޑަކުރުމަށްޓަކައި އަޅާފައިވާ ފިޔަވަޅުތަކަށް ލުއިދިނުމުގައި ޢަމަލުކުރެއްވުމަށް ނިންމަވައިފައިވާ ގޮތްތަކާ ގުޅޭގޮތުން ވަޒީރުންގެ މަޖިލީހުގައި މިއަދު މަޝްވަރާ ކުރައްވައިފިއެވެ.
މިއަދު މެންދުރުފަހު ރައީސުލްޖުމްހޫރިއްޔާގެ އޮފީހުގައި ބޭއްވެވި އެ މަޖިލީހުގެ ޖަލްސާގައި، ފަތުރުވެރިކަން އަންނަ މަހުގެ ޖުލައި 15 ވަނަ ދުވަހު ހުޅުވާލުމަށް ވަމުންދާ ތައްޔާރީތަކާއި ގުޅޭގޮތުންނާއި، އާންމު ދިރިއުޅުން ބަހައްޓަންވީގޮތްތަކާ ގުޅޭގޮތުން މެންބަރުން ވާހަކަފުޅުދައްކަވައި، ކުރިއަށްއަޅުއްވަން ނިންމަވާފައިވާ ކަންތައްތަކާބެހޭގޮތުން މަޝްވަރާކުރެއްވިއެވެ.
