ރާއްޖޭގައި ކޮރޯނާއަށް ފަރުވާކުރަމުން ގެންދާ މީހުންގެ ތެރެއިން 98 މީހުންނަށް ޝިފާ ލިބި އިތުރު 13 މީހުން ބައްޔަށް ޕޮޒިޓިވްވެއްޖެއެވެ. މީގެ ތެރޭގައި ހިމެނެނީ 7 ދިވެހިންނާއި ބަންގްލަދޭޝްގެ 5 މީހުންނާއި އިންޑޮނޭސިއާ މީހެކެވެ.
އެޗްޕީއޭގެ މިއަދުގެ ހިސާބުތައް ދައްކާގޮތުން މިހައިތަނަށް ޕޮޒިޓިވްވެފައިވަނީ 1916 މީހުންނެވެ. މިހާރު ފަރުވާ ހޯދަމުން ދަނީ 981 މީހުންނެވެ.
އެޗްޕީއޭގެ އިއްޔެގެ ހިސާބުތަކަށްބަލާއިރު އިއްޔެ ޝިފާ ލިބިފައިވަނީ 64 މީހަކަށެވެ. އަދި ޕޮޒިޓިވްވެފައިވަނީ 2 މީހުންނެވެ. އިއްޔެ އަކީ ކޮރޯނާއަށް އެންމެމަދުންމީހުން ޕޮޒިޓިވްވި ދުވަހެވެ.
