ރާއްޖޭގަ ޤަވާއިދާއި ޚިލާފަށް ތިއްބެވި ބަންގްލަދޭޝް ބޭފުޅުންގެ ޞައްޙަ އަދަދުވެސް އަދި އެބޭފުޅުން ތިއްބެވި ތަނެއްވެސް ސަރުކާރަށް ނުއެނގޭކަމަށް ސަރުކާރުގެ ތަރުޖަމާނު މުޙައްމަދު މަބްރޫކް ވިދާޅުވެއްޖެއެވެ.
މިރޭ ބޭއްވި ޕްރެސްގައި މަބްރޫކް ވިދާޅުވީ އިކޮނޮމިކް މިނިސްޓްރީން ކުރި މަސައްކަތުގައި ރަޖިސްޓްރީވެފައިވަނީ އެއްބައި ބޭފުޅުން ކަމަށާއި ރަޖިސްޓްރީ ކުރެވުނު ބޭފުޅުންގެ ތެރެއިން ބައެއް ބޭފުޅުން ފުރުވާލެވި އަދި އަނެއްބައި ބޭފުޅުން ފުރުވާލުމަށް މަސައްކަތްކުރެވެމުން އަންނަ ކަމަށެވެ.
މަބްރޫކް ވިދާޅުވީ ޤަވާއިދާއި ޚިލާފަށް ތިއްބެވި ބޭފުޅުންގެ ތެރޭގައި ދބާވަތެއްގެ ބޭފުޅުން ހިމެނޭ ކަމަށެވެ. އެއީ ބައަކު އެބޭފުޅުން ރާއްޖެއަށް އެތެރެކޮށް ޤަވާއިދާއި ޚިލާފަށް އުޅުއްވަން ދޫކޮށްލައްވާފައިވާ ބޭފުޅުންނާއި ކުންފުނިތަކުގައި ޤަވާއިދުން މަސައްކަތްކުރައްވަމުން ފިއްލަވައިގެން ބޭފުޅުން ކަމަށެވެ.
