ރޯގާއަށް ޝައްކުކުރެވޭ އެއްވެސް ޢަލާމާތެއް ފެނުނު ނަމަވެސް ބައްޔަށް ޕޮޒިޓިވްވެފައިވާ މީހަކާއި ކޮންޓެކްޓްވެފައިވީ ނަމަވެސް އެކަމުގެ މައުލޫމާތު އެއްވެސް ވަރަކަސް ސިއްރު ނުކުރަން ދރ. އަފްޒަލް އެދިވަޑައިގެންފިއެވެ.
ޑރ. އަފްޒަލް މިރޭ ވިދާޅުވީ ކޮންޓެކްޓް ޓްރޭސިންގެ މަސައްކަތްކުރެވޭއިރު މައުލޫމާތު ސިއްރުކުރަން ބައެއް ފަރާތްތަކުން މަސައްކަތްކުރާ ކަމަށާއި އެގޮތަށް އެކަން ނުކުރުމަށް އެދިވަޑައިގަންނަވާ ކަމަށެވެ. އެކަމުގެ ސަބަބުން އެމީހަކަށް ވެސް ދެރަގޮތްތައް މެދުވެރިވެ ބަލި ފެތުރުން އިތުރުވެގެންދާނެ ކަމަށެވެ.
ޑރ. އަފްޒަލް މިރޭ ވެސް ވިދާޅުވީ ޑެލިވަރީތަކަށާއި އެނޫންވެސް ގިނަ ކަންތައްތަކަކަށް ގިނަ ބއަކަށް ބޭރަށް ނުކުތުމެ އުޅުމުގެ ހުއްދަ ދެވިފައިވާއިރު ބަލީގެ އެއްވެސް ޢަލާމަތެއް ފެންނަ ނަމަ ބޭރަށް ނުނުކުތުމަށާއި ވީހައި އަވަހަކަށް ޑޮކްޓަރުންގެ އިރުޝާދު ހޯދަން އެދިވަޑައިގަންނަވާ ކަމަށެވެ.
