އޮކްސިޖަން ދޭންޖެހޭ ބަލިމީހުންގެ އަދަދު ގިނަވެ އިމަރޖެންސީ ޙާލަތަކަށް ދާން ޖެހިއްޖެ ނަމަ ބޭނުންވާނެ އޮކްސިޖަން ހުރީ ރާއްޖެ ގެނެސްފައި ކަމަށް ސަރުކާރުގެ ތަރުޖަމާނު މުޙައްމަދު މަބްރޫކް ވިދާޅުވެއްޖެއެވެ.
ނޫސްވެރިންގެ ބައްދަލުވުމުގައި މަބްރޫކްވިދާޅުވީ ފަރުވާ ދޭ އެނދުތައް އިތުރުކުރެވިގެންދާއިރު އެނދުތަކަށް ބޭނުންވާނެ ހުރިހާ ތަކެއްޗެއް ވަނީ ލިސްޓުކުރެވިފައި ކަމަށާއި އެތަކެތި ހަމައަށް އެބަހުރި ކަމަށެވެ.
މަބްރޫކް ވިދާޅުވީ ރާއްޖޭގައި އޮކްސިޖަން ރީފިލްކުރި ނަމަވެސް އިމަރޖެންސީ ޙާލަތެއް މެދުވެރިވެދާނެ ކަމަށް ބަލައި އޮކްސިޖަން ބޭރުން އެތެރެކުރާ ކަމަށާއި ސްޓޮކް އެބަހުރި ކަމަށެވެ.
