މާތް ﷲ އަށް ތެދުވެރިވުމަށް، މާތް ﷲ ގަންދީ ހުވާކޮށްގެން މަޤާމާއި ހަވާލުވުމަށްފަހު، އިސްލާމް ދީން ކަނޑައެޅިގެން މަނާކުރާ ނަޖިސް މުޑުދާރު ކަންކަން ރާއްޖެއަށް ތަޢާރަފްކޮށް ގެނެސްގަންނަން އެއްވެސް (މަޖިލިސް) މެންބަރަކު އުޅުމަކީ ޤަބޫލުކުރެވޭނެ ކަމެއް ނޫން ކަމަށް ޝައިޚް ޢަލީ ޒައިދު ވިދާޅުވެއްޖެއެވެ.
ޝައިޚް ޢަލީ ޒައިދު ވަނީ އެފަދަ ގޮތްތަކަށް އަމަލުކުރާ މީހުން މާތް ﷲ އަށް ބިރުވެތިވުމަށް ވެސް އިލްތިމާސްކުރައްވައިފައެވެ.
ޝައިޚް ޢަލީ ޒައިދު މިފަދަ އިލްތިމާސެއް ކުރައްވާފައި ވަނީ މަޖްލިސް މެންބަރަކު، ރާއްޖޭގައި ޖުވާކުޅުން ހުއްދަކުރަން މަޖިލީހަށް ބިލެއް ހުށަހަޅަން ތައްޔާރުވަމުން އަންނަކަމަށް މީޑިއާގައި ހާމަކުރުމާއި ގުޅިގެންނެވެ.
