ވަކިގޮތަކަށް އެއްބަސްވެ، ޝަރުޠު ކަނޑައެޅި، ނިމިފައިވަނިކޮށް، އަމިއްލަ އެދުން ބޮޑުވެ، އަހުދާ ހުވައާ ޝަރުޠު އުވާލުމަކީ މުސްލިމުންނަށް އެކަށީގެންވާ ކަމެއް ނޫން ކަމަށާއި އަހުދަކީ ފަހުން (ޤިޔާމަތް ދުވަހު) ސުވާލުވެވޭނެ ކަމެއް ކަމަށް ޝައިޚް ޢަލީ ޒައިދު ވިދާޅުވެއްޖެއެވެ.
ޝައިޚް ޢަލީ ޒައިދު މިމޭރުމުން ވިދާޅުވި ސަބަބު ނުވަތަ ކޮންކަމަކާއި ގުޅުއްވައިގެން ކަމެއް ބަޔާން ކުރައްވަވާފައެއް ނުވެއެވެ. ނަމަވެސް ބެލެވެނީ ކޯލިޝަނުގެ އެއްބަސްވުމުގައިވާ ކަންކަމަށް ބަދަލު ގެންނަން އުޅޭތީ ދެއްވި ނަޞޭޙަތެއް ކަމަށެވެ.
ޢިލްމުވެރިން ބަޔާން ކުރައްވާ ގޮތުގައި ބައަކު ގުޅިގެން އެއްބަސްވުމާއި އެއްގޮތަށް މަސައްކަތް ކުރާނަމަ އެކަމުގައި ﷲ ތަޢާލާގެ ރުހިވޮޑިގަތުން އެބައަކަށް ލިބެމުން ދާނެއެވެ. އަދި އެއްބަސްވުން އުވާލައި ޣައްދާރުވެއްޖެނަމަ ﷲ ތައަލާގެ ލައްނަތް އެކަމަށް ލިބެމުން ދާނެއެވެ.
މިބަސްފުޅުގެ ތެދުކަން 2008 ގެ ސަރުކާރާއި ގުޅިގެން އަދި 2013 ގެ ސަރުކާރާއި ގުޅިގެންވެސް ވަނީ ފެނި ސާބިތުވެފައެވެ.
vaki gothakah ehbsve, ahudhu ve, sharuthu kandaelhi, nimifai vanikoh, amilla edhun boduve, ahudhaa huvayaa sharuthu uvaalumakee, Muslimunnah ekasheegen vaa kameh nooneve! ahudhakee fahun suvaal veveyne kamekeve!
— Ali Zaid (@alizaid1000) December 1, 2018
