ދިވެހިރާއްޖޭގެ ޚާއްޞަ އިޤްތިޞާދީ ސަރަހައްދުގައި ޤާނޫނާޚިލާފަށް މަސްވެރިކަން ކުރަމުންދިޔަ ބޭރުގެ މަސްބޯޓެއް އެމްއެންޑީއެފް ކޯސްޓްގާޑުގެ ބެލުމުގެ ދަށަށް ގެންގޮސްފިއެވެ.
އެމްއެންޑީއެފްއިން ބުނެފައިވަނީ ކޯސްޓްގާޑުން ހިންގި ޚާއްޞަ އޮޕަރޭޝަނެއްގައި މި ބޯޓު އަތުލައިގަނެފައި ވަނީ އެމްއެންޑީއެފް ކޯސްޓްގާޑް ޝިޕް ޢިމާދުއްދީންގެ ބެލުމުގެ ދަށަށްގެންގޮސްފައިވާކަމަަށެވެ.
މި ބޯޓު ހޯދައި ހިފަހައްޓާފައި ވަނީ ހއ. ތުރާކުނުގެ ހުޅަނގުއުތުރުން ގާތްގަނޑަކަށް 46 ނޯޓިކަލް މޭލު ބޭރުގައި ހަރަކާތްތެރިވަމުން ދަނިކޮށް، ސެޕްޓެންބަރު 30 ވަނަ ދުވަހުގެ ހަވީރު 18:34 ހާއިރުއެވެ.
މި ބޯޓުގައި ޖުމްލަ 7 މީހުން ތިބި ކަމަށް މަޢުލޫމާތު ލިބިފައިވެއެވެ. އަދި ކޯސްޓްގާޑުގެ ބެލުމުގެ ދަށަށް ގެންދިއަ މި ބޯޓު މިހާރު ހދ. ކުޅުދުއްފުށްޓަށް ގެންދިއުމުގެ މަސައްކަތް ދަނީ ކުރަމުން ކަމަށް އެމްއެންޑީއެފްއިން ބުނެފައިވެއެވެ.
