ރަސޫލް (ޞޢވ) ޙަދީޘްކުރެއްވެވިއެވެ. "ހުކުރު ދުވަހު ފެންވަރައް އަދި ފެންވަރުވާ އަދި ކުރީ ބައިގައި ހުކުރަށް ގޮސް، އިމާމް މީހާ އާއި ކައިރީގައި ހުރެ، ބޭކާރުވާހަކަ ނުދައްކައިފިނަމަ، އޭނާ އެޅި ކޮންމެ ފިޔަވަޅަކަށް އަހަރެއްގެ ރޯދައާއި ރޭ އަޅުކަން ކުރުމުގެ ދަރުމަ އޭނާއަށް ލިބޭނެއެވެ."
- ޑރ. މުޙައްމަދު އިޔާޟް ޢަބްދުއްލަޠީފް
މިޒަމާނުގައި މިދާހައި ގިނަ ބައަކު ހުކުރަށްދާއިރު ކޮންމެ މީހަކަށް އިމަމާއި އެންމެ ގާތުގައި ނުހުރެވިދާނެއެވެ. ނަމަވެސް ކުރިއަށް މިސްކިތަށް ގޮސް އިމާމް މީހާ އާއި ވީހައި ކައިރިން ޖާގަ ހޯދުމަކީ އެންމެ ރަނގަޅު ގޮތްކަން މި ހަދީޘުން އެބައެނގެއެވެ.
ކުރިއާލައި ހުކުރަށްދާ ބައެއް މީހުން ކުރީ ސަފު ނުވަތަ ޖާގަ ލިބެން އޮތް ކުރިއަކުން ޖާގަ ނުހޯދައި ދުރު ސަރަހައްދުތަކުގައި ތިބޭ ތިބުމަކީވެސް ރަނގަޅު ގޮތެއް ނޫންކަން ވެސް މިހަދީޘުން އެނގިގެންދެއެވެ.
