ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ދިރިއުޅުއްވަން ސަރުކާރުން ހަމަ ޖެއްސި މުލީއާގެ އަށް އެމަނިކުފާނު މިއަދު ދިރިއުޅުއްވުން ބަދަލުކުރައްވައިފިއެވެ. މުލީއާގެއަށް ރައީޞް ޞާލިޙް ދިރިއުޅުއްވުން ބަދަލުކުރައްވާފައިވަނީ މިއަދު ހެނދުނު 10 ޖެހިއިރު އެވެ.
މުލީއާގޭގައި ބައެއް ރަސްކަލުން ވަނީ ދިރިއުޅުއްވައިފައެވެ. ރައީސް މައުމޫން އާއި ރައީސް ނަޝީދު ވެސް ދިރިއުޅުއްވިއެވެ. ރައީސް ވަޙީދު ދިރިއުޅުއްވީ ހިލާލީގޭގައެވެ.
ރައީސް ޔާމީން ދިރިއުޅުއްވާނީ އަމިއްލަފުޅު ގެކޮޅު ކަމަށްވާ ދޫވެހީގައި ކަމަށް ވިދާޅުވެ އެގެއަށް ދައުލަތުގެ ފައިސާއިން ބޮޑެތި ޚަރަދުތަކެއް ކުރުވުމަށްފަހު އެގެ ވިއްކާލައި ފަހުން ދިރިއުޅުއްވީ ހިލާލީގޭގައެވެ.
ސަރުކާރުން ބުނެފައިވަނީ ރައީސުލްޖުމްހޫރިއްޔާގެ ނައިބް ފައިޞަލް ނަސީމް ދިރިއުޅުއްވަން ހަމަޖެހިފައިވަނީ ހިލާލީގޭގައި ކަމަށެވެ.
