ނަމާދު ނުކުރުމަކީ އެކަމުގެ ޢުޤޫބާތް ޢާންމުކޮށް އެންމެންނަށް ލިބިދާނެ ކަމެކެވެ. ނަމާދުތަކުގެ ތެރެއިން ހުކުރު ނަމާދަކީ ޚާއްޞަ ނަމާދެކެވެ. އެހެންކަމުން ހުކުރަށް ޚާއްޞަ ސަމާލުކްމެއް ދެއްވާށެވެ.
ނަމާދު ނުކުރުމަކީ ރިޒްޤަށް ހުރަސް އެޅޭ ކަމެކެވެ. އެ ޢުޤޫބާތް މުޖުތަމައުގެ އެންމެންގެ މައްޗަށް ފޮނުއްވަވައިފާނެ ކަމަށް ބިރުވެތިވާށެވެ! އެންމެ މީހެއް ނުވަތަ މަދު ބައެއްގެ ސަބަބުން މުޅި މުޖުތަމަޢުއަށް ނިކަމެތިކަމެއް ލިބުމުގެ ބިރު އޮންނަ ކަންކަން ނުކުރަން ޚާއްޞަ ސަމާލުކަމެއް ދޭން ޖެހޭނެއެވެ.
ހުކުރު ޚުޠުބާއަށް ޚާއްޞަ ސަމާލުކަމެއް ދޭންވާނެއެވެ! ކުޠުބާތަކުގައި ޢާންމުކޮށް ކިޔަނީ އެންމެން ދަންނަ ކަންކަމުގެ ވާހަކަތަކެވެ. އެހެންކަމާއިއެކުވެސް ޚުޠުބާއަށް ސަމާލުކަންދީ ކަނުލައި އަޑުއަހަން ޖެހެއެވެ. އެހެނީ އެކަމުގެ ސަބަބުން މީހާގެ އީމާންތެރިކަން ތާޒާވެގެންދާނެތީއެވެ.
"ހުކުރު ދުވަހު ހުކުރަށް ނުގޮސް ހުރުމަކީ ނުބައިކަން ބޮޑު ފާފައެކެވެ. ވިދިވިދިގެން 3 ހުކުރު އަޅައިފިނަމަ (ހުކުރަށް ނުގޮސް ހުރެފިނަމަ) އެމީހާގެ ހިތުގައި ސިއްކައެއް ޖައްސަވާނެކަން އިތުރު ރަސޫލާ (ޞޢވ)ގެ ހަދީޘްފުޅުން އެނގެން އެބައޮތެވެ. އަޚާއެވެ. ވިސްނާށެވެ!" މިއީ ޝައިޚް ޢަލީ ޒައިދު ވިދާޅުވެފައިވާ ބަސްފުޅެކެވެ.
