ރާއްޖެއިން ބޭނުންވަނީ ޗައިނާގެ "ބެލްޓް އެންޑް ރޯޑް" ގުޅުމާއެކު ހުރިހާ ޤައުމުތަކާއިއެކު ވެސް ވިޔަފާރީގެ ގުޅުން ކުރިއަރުވަން ކަމަށް ޚާރިޖީ ވަޒީރު ޢަބްދުﷲ ޝާހިދު ވިދާޅުވެއްޖެއެވެ.
ޝާހިދު މިމޭރުމުން ވިދާޅުވެފައިވަނީ އިންޑިއާއަށް ކުރެއްވި ދަތުރުފުޅުގެ ތެރެއިން ނޫސްވެރިންނަށް މައުލޫމާތު ދެއްވަމުންނެވެ.
މާލީ ވަޒީރު އިބްރާހީމް އަމީރާއި ހަވާލާދީ ބައެއް ނޫސްތަކުގައި ބުނެފައިވަނީ ސަރުކާރުގެ އެންމެ ބޮޑު އެއް ކަންބޮޑުވުމަކީ ރައީސް ޔާމީނުގެ ސަރުކާރުން ޗައިނާ އާއި ގުޅިގެން ރާއްޖޭގައި ހިންގާފައިވާ މަޝްރޫޢުތަކުގެ އަގުތައް ބޮޑުވުން ކަމަށެވެ. "އަދިވެސް މިއުޅެނީ މަޝްރޫޢްތައް ހިނަގާފައިވާ އަގުތައް ނުބެލިގެން އަދި ނަގާފައިވާ ލޯނުތަކުގެ އަދަދުވެސް އޮޅުންނުފިލުވިގެން."
އަމީރު ވިދާޅުވެފައިވަނީ ޗައިނާއިން ހިންގާފައިވާ މަޝްރޫޢުތަކުގެ އަގުތައް ވަރަށް ބޮޑުކަމަށް ފާހަގަކުރެއްވިފައިވާ ކަމަށާއި ތަފްޞީލުތައް ލިބިވަޑައިގަތުމުން މައުލޫމާތު ހާމަކުރައްވާނެ ކަމަށެވެ.
