ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް، ސްޕެޝަލް އެޑްވައިޒަރ އޮން ސޯޝަލް ޕޮލިސީގެ މަޤާމަށް ޑރ. މުޞްޠަފާ ލުޠުފީ ޢައްޔަނު ކުރައްވައިފިއެވެ.
ސްޕެޝަލް އެޑްވައިޒަރ އޮން ސޯޝަލް ޕޮލިސީގެ މަޤާމަށް ޑޮކްޓަރ މުޞްޠަފާ ލުޠުފީ ޢައްޔަނުކުރައްވާފައިވަނީ މިނިސްޓަރ ފެންވަރުގައެވެ.
މީގެ އިތުރުން މިނިސްޓަރ އޮފް ސްޓޭޓް ފޮރ ނޭޝަނަލް ޕްލޭނިންގް އެންޑް އިންފްރާސްޓްރަކްޗަރގެ މަޤާމަށް ޝިފާޒް ޢަލީ ވަނީ ޢައްޔަނު ކުރައްވާފައެވެ.
މި ދެ ބޭފުޅުން މަޤާމަށް ޢައްޔަނު ކުރައްވައި މަޤާމުގެ ފަތްކޮޅު ދެއްވީ މިއަދު މެންދުރު ރައީސުލްޖުމްހޫރިއްޔާގެ އޮފީހުގައި ބޭއްވެވި ރަސްމިއްޔާތެއްގައެވެ.
