އިސްލާމިކް މިނިސްޓްރީން އިންތިޒާމުކޮށްގެން ދީނީ ޢިލްމުވެރިންގެ 3 ބަދަލުވުން ބާއްވާފައިވާ ކަމަށާއި ޢިލްމްވެރިން އެންމެ ބޮޑަށް ބޭނުންވަނީ ޢިލްމްވެރިންގެ ބަދަލުވުންތަކުގައި ނިންމާފައިވާ ނިންމުންތައް ވީހާ އަހަކަށް ތަންފީޒުކުރެވުން ކަމަށް ބައެއް ޢިލްމްވެރިން ވިދާޅުވެއްޖެއެވެ.
މިސަރުކާރުގެ އިސްލާމިކް މިނިސްޓަރު ޑރ. އަޙްމަދު ޒާހިރު ޢަލީ ޢިލްމްވެރިންނާއިއެކު ރޭ ބޭއްވެވި ބައެއް ޢިލްމްވެރިން މިއަދުނޫހަށް މަޢްލޫމާތު ދެއްވަމުން ވިދާޅުވީ އެ ބައްދަލުވުންތަކުގައި ކުރަން ނިންމާފައިވާނީ ވަރަށް މުހިންމު، ކޮންމެހެން ކުރަންޖެހިފައިވާ ކަންތައްތައް ކަމަށެވެ.
"ހިތާމައަކީ ކުރަން ނިންމާ ކަންކަން ތަންފީޒުކުރުމުގަ ފަހަތު ފަޔަށް ބަރުވެ އެކަންކަން ތަންފީޒު ނުކުރެވޭކަން. ވަރަށް މަދު ކަމެއް ނޫނީ ތަންފީޒެއް ނުކުރޭ." "ބައްދަލުވުން ބޭއްވިދާނެ، މަޝްވަރާ ކުރެވިދާނެ.
އެކަމަކު އެއްވެސް ފައިދާއެއް ކުރާނީ ކުރަން ނިންމާ ކަންކަން ތަންފީޒުކުރީމަ. އެ މަސައްކަތް މިހާރުން މިހާރުވެސް ފަށައިގެން ކުރިއަށް ގެންގޮސްފިނަމަ ނަތީޖާ ވަރަށް ރަނގަޅުވާނެ ކަމަށް އަޅުގަނޑުމެންނަށް ޤަބޫލުކުރެވެނީ." ބައެއް ޢިލްމުވެރިން ވިދާޅުވެފައިވެއެވެ. ޢިލްމްވެރިންގެ ބައްދަލުވުންތަކުގައި ކުރަން ނިންމާ ކަންކަން އިސްލާމިކް މިނިސްޓްރީން ނުކުރާތީ އެއް އަހަރުގެ ބައްދަލުވުމުގައި ކުރަން ނިންމާ ކަންކަން، ދެން ބާއްވާ ބައްދަލުވުމެއްގެ ކުރިން ތަންފީޒުކޮށް ނިންމުމަށްވެސް ޢިލްމުވެރިން ވަނީ މީގެ 2 އަހަރުކުރިން ބޭއްވި ބައްދަލުވުމެއްގައި ފާސްކޮށްފައެވެ.
