ޚާރިޖީ ވަޒީރު ޢަބްދުﷲ ޝާހިދު އިންޑިއާއަށް ކުރައްވާ 2 ދުވަހުގެ ރަސްމީ ދަތުރުފުޅެއްގައި މިއަދު ދިއްލީއަށް ވަޑައިގެންފިއެވެ. އިންޑިއާގެ ޚާރިޖިއްޔާއިން ބުނެފައިވަނީ ޝާހިދުގެ މި ދަތުރުފުޅުގައި 2 ޤައުމުގެ މެދުގައި ގުޅުންތައް އިތުރަށް ބަދަހިކުރުމާއި ގުޅޭ ކަންކަމުގައި މަޝްވަރާ ކުރެވޭނެ ކަމަށެވެ.
އިންޑިއާއިން ގެންދަނީ ރާއްޖޭގެ މަޝްރޫއުތަކަށް އިންވެސްޓް ކުރަން ޝައުޤުވެރިކަން ފައުޅުކުރަމުންނެވެ. އެހެންކަމާއިއެކުވެސް މާޒީގެ ތަޖުރިބާއަށް ބަލާއިރު އިންޑިއާގެ ކުންފުނިތަކުން ރާއްޖޭގައި މަޝްރޫޢުތައް ހިންގުމަށް ބޮޑެތި ގޮންޖެހުންތަކެއް އެބަހުއްޓެވެ.
ރައީސް އިބްރާހީމް މުޙައްމަދު ޞާލިޙް އަންނަ ޑިސެމްބަރު މަހު އިންޑިއާއަށް ރަސްމީ ދަތުރުފުޅެއް ކުރައްވާނެ ކަމަށް އިންޑިއާގެ ބައެއް ނޫސްތަކުން ވަނީ ހާމަކޮށްފައެވެ. އެހެންކަމުން ޝާހިދުގެ މިދަތުރުފުޅުގައި ރައީސް ޞާލިޙް ކުރައްވަން ހަމަޖަހިފައިވާ ދަތުރުފުޅާއި ގުޅޭގޮތުން މަޝްވަރާކުރައްވާނެ ކަމަށް ބެލެވެއެވެ.
