ރާއްޖެއިން ބޭރަށާއި ރާއްޖެތެރެއަށް މިދުވަސްވަރު ގިނަ ބައަކު ދަތުރުކުރާތީ ކުރިއާލައި އެއާޕޯޓަށް ގޮސް ޗެކިން ނިންމުމަށް އެމްއޭސީއެލްއިން އިލްތިމާސްކޮށްފި އެވެ. އެމްއޭސީއެލް އިން ބުނެފައިވަނީ ޑޮމެސްޓިކް އަދި އިންޓަރނޭޝަނަލް ޓަރމިނަލްގައި ކިޔޫ ދިގުވެ ކުރިމަތިވާ ލަސްވުމުގެ މައްސަލަތަކުން ސަލާމަތްވުމަށް އެދޭ ކަމަށެވެ.
މިދުވަސްވަރަކީ ސްކޫލް ބަންދު ދުވަސްވަރަށްވުމުން ގިނަ ބައަކު ދަނީ ދަތުރުކުރަމުންނެވެ. އަދި ސީޒަނަށް ފަތުރުވެރިކަންވެސް އަންނަނީ ރަނގަޅުވަމުން ކަމަށް ބެލެވެއެވެ.
މި އިލްތިމާސް އާއިއެކު އެމްއޭސީއެލް އިން ޓްވީޓްކޮށްފައިވަނީ ވެލާނާ އިންޓަރނޭޝަނަލް އެޢާޕޯޓުން ބޮޑެތި އެއާލައިންތަކަށް މަރުހަބާ ކިޔަން ފެނުން ސަލާމް ފޮނުވާ މަންޒަރެވެ. ބެލެވޭ ގޮތުން މާނައަކީ ދުނިޔޭގެ އެންމެ ބޮޑެތި ބޯޓު ފަހަރަށް އެއާޕޯޓުން މަރުހަބާ ކިޔުނު ނަމަވެސް ޓަރމިނަލްތަކުން ޚިދުމަތް ދިނުމުގައި އަދިވެސް ވަނީ އެކަށީގެންވާ ކުރިއެރުމެއް ނުލިބިކަން ކަމުގައި ފާހަގަކުރެވެއެވެ.
For those who are travelling through International & Domestic Terminal @VelanaAirport , we advise you to do early check-in to avoid long queues and possible delays
— MACL (@MACLmedia) November 23, 2018
Happy holidays everyone pic.twitter.com/hjNxXE1mda
