ކުރީގެ ރައީސް އަބްދުﷲ ޔާމީން އަބްދުލްޤައްޔޫމް ގެ ކެމްޕޭނުގައި އިސްކޮށް އުޅުއްވި އަދި މިނިސްޓްރީ އޮފް ހެލްތުގެ ކުރީގެ ޑެޕިއުޓީ މިނިސްޓަރ ޑރ. މުޙައްމަދު ޝާފީ، އަދާލަތު ޕާޓީ އާއި ގުޅިވަޑައިގެންފިއެވެ.
ދަތުގެ ޚާއްސަ ޑޮކްޓަރ ޝާފީ، އަދާލަތު ޕާޓީއާއި ގުޅިވަޑައިގަތީ ގިނަ ދާއިރާތަކެއްގެ މެމްބަރޝިޕް ފޯމާއިވެސް އެކުގައި ކަމަށް އެޕާޓީން އިއްޔެ ކުރި ޓްވީޓެއްގައި ބުނެފައިވެއެވެ.
މައުލޫމާތު ލިބިފައިވާ ގޮތުގައި ޑރ. ޝަފީ ވަނީ 2019 ވަނަ އަހަރު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިހާބުގައި ވ. ކެޔޮދޫ ދާއިރާއަށް ކުރިމަތިލައްވާފައެވެ. އެހެންކަމުން އަދާލަތު ޕާޓީގެ ޓިކެޓުގައި އެދާއިރާއަށް ކުރިމަތިލެއްވުން ވެސް އެކަށީގެންވާ ކަމަށް ބައެއް ފަރާތްތަކުން ވަނީ ހާމަކޮށްފައެވެ.
އަދާލަތި ޕާޓީއާއި ޑރ. ޝާފީ މިއަދު ގުޅިވަޑައިގަތުމުން، އޭނާއަށް ޕާޓީގެ ރައީސް އަދި މިހާރުގެ ހޯމް މިނިސްޓަރ ޝައިޚް އިމްރާން އަބްދުﷲ ވަނީ މަރުހަބާ ދަންނަވާފައެވެ.
