ކޮމިޝަނަރ އޮފް ޕްރިޒަންސް ކަމުގެ މަގާމުން މިއަދު އަހުމަދު ޝިހާން ވަކި ކުރައްވައިފިއެވެ.
ކަރެކްޝަނަލް ސާވިސް އިން މިއަދު މައުލޫމާތު ދިން ގޮތުގައި، ރައީސް އިބްރާހިމް މުޙައްމަދު ސޯލިޙު މިއަދު ވަނީ ކުށްވެރިން ބަލަހައްޓާ އިދާރާގެ އިސްވެރިޔާކަމުގެ މަގާމުން ޝިހާން ވަކި ކުރައްވާފައި ކަމަށެވެ. ނަމަވެސް އެމަގާމަށް އަދި އައު ބޭފުޅަކު އައްޔަނެއް ނުކުރައްވައެވެ.
ޝިހާން އެމަގާމުން ވަކިކުރެއްވިއިރު، ކުށްވެރިންގެ ހައްގުތަށް ކަރެކްޝަންސް އިން ނިގުޅައިގަންނަމުންދާ ކަމަށް ބުނެ ވަނީ ބޮޑެތި ފާޑުކިޔުންތަކެއް އެއިދާރާއަށް އަމާޒުވެފައެވެ.
ކޮމިޝަނަރ އޮފް ޕްރިޒަންސް ކަމުގެ މަގާމުން ޝިހާން އިސްތިއުފާ ދެއްވުމަށް ވެސް އެކި ފަރާތްތަކުން ގޮވާލަމުންދާތާ ދުވަސްތަކެއް ވެއްޖެއެވެ.
