ރީޖަނަލް ހޮސްޕިޓަލްތަކުން ފޯރުކޯށްދޭ ޚާއްސަ ޑޮކްޓަރުންނަށް ދެއްކުމުގެ ޚިދުމަތް 2 ދަންފަޅިއަށް ބަދަލުކޮށް ވަގުތު އިތުރުކުރަން ނިންމައިފިއެވެ.
މިކަމާގުޅިގެން ޞިއްޙީ ވުޒާރާއިން ބުނެފައިވަނީ މީގެ ކުރިން އެއް ދަންފަޅިއަށް ޚިދުމަތް ދެމުން އައި ފަސް ރީޖަނަލް ހޮސްޕިޓަލެއް މިމަހުން ފެށިގެން ދެ ދަންފަޅިއަށް ޚިދުމަތް ދޭން ފެށުމަށް ނިންމާފައިވާކަމަށެވެ.
ވަގުތު އިތުރުކުރުކޮށް 2 ދަންފަޅިއަށް ބަދަލުކޮށްގެން ޚިދުމަތްދޭން ނިންމާފައިވަނީ ކުޅުދުއްފުށީ ރީޖަނަލް ހޮސްޕިޓަލާއި އުނގޫފާރު ރީޖަނަލް ހޮސްޕިޓަލުގެ އިތުރުން ގދ. ތިނަދޫ ގައި ހުންނަ ޑރ. އަބްދުއްޞަމަދު މެމޯރިއަލް ހޮސްޕިޓަލް، އައްޑޫ ސިޓީ އިކުއެޓޯރިއަލް ހޮސްޕިޓަލުންނެވެ.
މިމަހުގެ 1 ވަނަ ދުވަހުން ފެށިގެން ކުޅުދުއްފުށީ ރީޖަނަލް ހޮސްޕިޓަލުން 2 ދަންފަޅިއަށް ޚިދުމަތް ދޭން ފަށާފައިވާއިރު ދެން ހުރި ހޮސްޕިޓަލްތަކުން 2 ދަންފަޅިއަށް ޚިދުމަތް ދޭން ފެށުމަށް ހަމަޖެހިފައިވަނީ މިމަހުގެ 15 ވަނަ ދުވަހުން ފެށިގެން ކަމަށް ޞިއްޙީ ވުޒާރާއިން ވަނީ ބުނެފައެވެ.
