ކަމާއި ގުޅުންހުރި ލިޔުންތައް ދަރިފުޅު ހުށަހަޅައި އިމިގްރޭޝަނުގައި އެދުނީ މައިން ބަފައިންނާއި ބައްދަލުކުރެވޭނެ ގޮތެއް ހަމަޖައްސައިދިނުމަށެވެ. ޓްރާންސިޓް ފަސިންޖަރުންނަށް އިތުރު ބައަކާއި ބައްދަލުވުމުގެ ފުރުޞަތު ދިނުމަކީ އުޞޫލެއްގެ ގޮތުން އެއްވެސް އެއާޕޯޓެއްގައި ހުއްދަކުރާ ކަމެއް ނޫނެވެ. އެއީ ވަރަށް ބޮޑަށް މަނާކޮށްފައި އޮންނަ ކަމެކެވެ.
އެހެންކަމާއިއެކުވެސް ދުބާއީ އެއާޕޯޓުގެ އިމިގްރޭޝަނުން ނިންމީ ޢާއިލާއަށް ބައްދަލުވުމުގެ ފުރުޞަތު ދިނުމަށެވެ. ހަމައެކަނި ބައްދަލުވުމުގެ ފުރުޞަތު ދިނީއެއްވެސް ނޫނެވެ. މަންމަ އާއި ބައްޕަ އެއާޕޯޓުން ބޭރަށް ވެސް ނެރެދިނީއެވެ. ޢާއިލާ އެކުގައި ވަގުތުކޮޅެއް ހޭދަކޮށްލާނެ ފުރުޞަތު ދިނުމަށެވެ.
އިމިގްރޭޝަނުން ބުނީ ދުބާއީގެ ރޫލަރ ނުވަތަ ރައީސް އެންމެ ބޮޑު އިސްކަމެއް ދެއްވަނީ މީސްތަކުންގެ އުފާވެރިކަމަށް ކަމަށެވެ. އެހެންކަމުން މިފަދަ ޚާއްޞަ ޙާލަތްތަކުގައި މައިވަންތަ ކަމުގެ ލޯތްބަށް ހުރަސް އަޅަން ބޭނުން ނުވާ ކަމަށާއި ބޭނުންވަނީ އުފާވެރިކަމާއި ހިނިތުންވުމަށް ފުރުޞަތުދޭން ކަމަށެވެ.
