މާލޭ ހުކުރު މިސްކިތު މުންނާރު ދޮވެ، ސާފުކޮށް އާބާތުރަ ފިލުވުމުގެ މަސައްކަތް ރައީސް ސޯލިހް ފައްޓަވައިދެއްވައިފިއެވެ.
މި މަސައްކަތް ފައްޓަވައިދެއްވައި މުންނާރުގެ އާބާތުރަ ފިލުވުމުގެ މަސައްކަތް ރައީސް ސޯލިހް ވަނީ ބައްލަވާލައްވާފައެވެ. އަދި މަސައްކަތް ކުރިއަށް ދާ ގޮތް ބައްލަވާލެއްވުމަށް ހެރިޓޭޖް މިނިސްޓަރވެސް އެ ސަރަހައްދަށް ވަޑައިގެންނެވިއެވެ.
މި މަސައްކަތް ނުފެށި ލަސްވީ މޫސުން ގޯސްވުމުގެ ސަބަބުން ކަމަށް ސަގާފީ ތަރިކަ ރައްކާތެރިކުރާ ގައުމީ މަރުކަޒުން ވަނީ ބުނެފައެވެ.
މުންނާރުގެ އާބާތުރަ ފިލުވުމުގެ މަސައްކަތް ކުރަން ހަވާލުކޮށްފައިވަނީ ސްޓެލްކޯއާއެވެ.
