މުނިފޫހި ފިލުވުމުގެ ގޮތުން ގޭމް ކުޅުމަކީ އިސްލާމް ދީން ހުއްދަކުރާ ކަމެކެވެ. ނަމަވެސް ކުޅެންޖެހޭނީ އިންސާނާގެ ވިސްނުން ތޫނުވެ ކުރިއެރުން ލިބޭފަދަ ގޭމްތަކެވެ. އިންސާނާއަށް ގެއްލުން ލިބޭ، ދެވި ހިފާ ފަދަ ގޭމްތައް ކުޅުން އިސްލާމް ދީނުގައި ހުއްދައެއް ނޫނެވެ.
މިއަދުގެ ޚުޠުބާގައިވަނީ ކުޅެގެން ނުވާނެ ބައެއް ގޭމްތަކާއި ގޭމް ކުޅުމުން އިންސާނުންގެ ސިކުނޑިތަކަށާއި ޞީއްޙަތަށް ލިބޭ ގެއްލުންތަކަށް ވެސް އަލިއަޅުވާލައިފައެވެ.
މީގެ އިތުރުން މިއަދުގެ ޚުޠުބާގައި ވަނީ ގޭމް ކުޅުމާއި އެނޫންވެސް މުނިފޫހިފިލުވުމުގެ ޙަރަކާތްތަކުގައި ވަގުތު ހޭދަނުކުރަން ގޮވާލައިފައެވެ. އެމީހާގެ ވަގުތުތައް އެމީހަކު ހޭދަކުރި ގޮތާއިމެދު ޤިޔާމަތް ދުވަހުން ސުވާލުކުރައްވަވާނެއިރު އެކަމަށް ތައްޔާރުވުމަށް ވަނީ އިލްތިމާސްކޮށްފައެވެ.
