ފިރިހެނުންގެ (ލޯންގ ކޯސް) 50 މީޓަރ ބެކްސްޓްރޯކް އިވެންޓުގެ ޤައުމީ ރެކޯރޑް އައުކޮށްފިއެވެ.
މި ރެކޯޑު އައުކުރީ ހަންގޭރީގައި މި އޮގަސްޓް މަހުގެ 18 ން 25 ށް ކުރިއަށްދާ 7 ވަނަ ފީނާ ވަރލްޑް ޖޫނިއަރ ސްވިމިންގ ޗެމްޕިއަންޝިޕްސް ގައި ޢަލީ އިމްޢާން އެވެ.
އިމްޢާން މި ރެކޯރޑް އައުކޮށްފައިވަނީ 00:30.86 އިން އިވެންޓް ފުރިހަމަކޮށްގެންނެވެ.
މި އިވެންޓުގެ ޤައުމީ ރެކޯރޑް ކުރިން އޮތީ 2018 ވަނަ އަހަރު ބޭއްވި 18 ވަނަ އޭޝިއަން ގޭމްސްގައި 00:31.95 އިން ރޭސް ފުރިހަމަ ކޮށްގެން ޙުސައިން ހާއިޝް ޙަސަން އަތުގައެވެ.
7 ވަނަ ފީނާ ވަރލްޑް ޖޫނިއަރ ސްވިމިންގ ޗެމްޕިއަންޝިޕްސްގައި ރާއްޖޭގެ ފަރާތުން ބައިވެރިވަނީ ޢަލީ އިމްޢާން، ޙުސެއިން ހާއިޝް ޙަސަން އަދި ހަމްނާ އަޙްމަދެވެ.
ޓީމާއި ޙަވާލުވެ މުބާރާތުގެ ކޯޗެއްގެ ގޮތުގައި ދިޔައީ ޤައުމީ ހެޑްކޯޗު އިބްރާހިމް މޫސާ އެވެ.
