އޭޝިއާ ބައްރުގައި ބާއްވާ ސްޕެޝަލް އޮލިމްޕިކްސް އިންޓަރނޭޝަނަލް ފުރަތަމަ ފުޓުބޯޅަ މުބާރާތުގައި ބައިވެރިވާ ރާއްޖޭގެ ދެޓީމު އިންޑިއާއަށް ފުރައިފިއެވެ.
އިންޑިއާގެ ޗެންނާއީގައި މި މަހުގެ 3 އިން 6 އަށް ބާއްވާ މި މުބާރާތުގައި ރާއްޖޭގެ ފަރާތުން އަންހެން ފުޓްބޯޅަ ޓީމަކާއި ފިރިހެން ފުޓްބޯޅަ ޓީމެއް ވަނީ ބައިވެރިވެފައެވެ. އަދި ކޮންމެ ޓީމެއްގައި 8 ކުޅުންތެރިން ހިމެނެއެވެ.
މި ދެޓީމު މިއަދު ހެނދުނު އިންޑިއާއަށް ފުރި އިރު، މި މުބާރާތުގައި 15 އަށް ވުރެ ގިނަ ޤައުމުން 250 އަށްވުރެ ގިނަ ސްޕެޝަލް އެތްލީޓުން ވާދަކުރެއެވެ.
