ރައީސް އިބްރާހީމް މުޙައްމަދު ޞާލިޙްގެ ދައުރު ފެށޭއިރަށް ރާއްޖޭގައި ވެރިކަންކުރާ ނިޒާމް ބަދަލުކުރާ ވާހަކަ ދައްކަނީ ސީދާ އަމިއްލަ މަޞްލަހަތަށްޓަކައި އަދި އަމިއްލަ އެޖެންޑާއަށްޓަކައި ކަމަށް ޝައިޚް ޢަލީ ޒައިދު ވިދާޅުވެއްޖެއެވެ.
ޝައިޚް ޢަލީ ޒައިދު ވިދާޅުވީ ކުރިއަށް އޮތް 5 އަހަރު ރާއްޖޭގެ ވެރިކަން ކުރެއްވުމަށް ރައްޔިތުން ހޮވީ އިބްރާހީމް މުޙައްމަދު ޞާލިޙް ކަމަށާއި ދިވެހިރާއްޖޭގައި އޮންނަން ވާނީ ރިޔާސީ ނިޒާމެއް ކަމަށް، ރައްޔިތުން ނިންމާފައި ވަނިކޮށް، ވެރިކަމުގެ ނިޒާމް ބަދަލުކުރާ ވާހަކަ ދައްކަމުން ގެންދިއުމަކީ ރައްޔިތުންގެ ނިންމުމަށް އިހްތިރާމް ނުކޮށް، ވަރަށް ހީލަތްތެރިކަމާއިއެކު ދައްކަމުން ގެންދާ ވާހަކަތަކެއް ކަމަށެވެ.
ރައީސް އިބްރާހީމް މުޙައްމަދު ޞާލިޙްގެ ވެރިކަމުގެ 5 އަހަރު ނިމެންދެން ވެސް ވެރިކަމަށް ވަޑައި ނުގެން ނުހުންނެވޭނެކަމަށް ރައީސް މުޙައްމަދު ނަޝީދު ޔޫރަޕުގައި ހުންނަވައިގެންވެސް ވިދާޅުވި މައްސަލައެއް މިހާރު ވަނީ ފެންމަތިވެފައެވެ.
Dhivehi Raajjeyge onnan vaanee Riyaasee nizaameh kamah, Rayyithun nimmaafa vanikoh, e nimmumah ihthiraam nukoh, v heelaitheri kamaa eku, R IBM ge dhauru fesheyirah nizam badhal kuraavaahaka dhakkanee seedhaa amilla maslahathahtakai! Amilla agenda ahtakai! Rayyithun hovy R IBM.
— Ali Zaid (@alizaid1000) March 27, 2019
