ރައްޔިތުންގެ މަޖިލީހުގެ މެމްބަރުންގެ ތެރެއިން ޖުޑިޝަލް ސާވިސް ކޮމިޝަން (ޖޭއެސްސީ) އަށް އައްޔަނު ކުރެއްވި ދިއްގަރު ދާއިރާގެ މެމްބަރު އަހުމަދު ފާރިސް މައުމޫން، ޖޭއެސްސީގެ މެމްބަރުކަމުގެ ހުވާ މިއަދު ކުރައްވައިފިއެވެ.
ހުވާކުރެއްވުމަށްފަހު ފާރިސް ކުރެއްވި ޓްވީޓެއްގައި ވިދާޅުވެފައިވަނީ، ގާނޫނު އަސާސީ އާއި ގާނޫނުތަކުގައިވާ ގޮތުގެ މަތިން ޖޭއެސްސީގެ މެމްބަރުކަމުގެ ޒިންމާތައް އަދާ ކުރައްވާނެ ކަމަށާއި ޝަރުއީ ދާއިރާ އިސްލާހުކޮށް ރައްޔިތުންގެ އިތުބާރު ހޯއްދަވަން މަސައްކަތް ކުރައްވާނެ ކަމަށެވެ.
ޖޭއެސްސީގެ މެމްބަރުކަމުގެ މަގާމަށް ފާރިސް އައްޔަނު ކުރެއްވީ ކުރިން އެމަގާމުގައި ހުންނެވި ގުރައިދޫ ދާއިރާގެ މެމްބަރު އިބްރާހިމް ރިޒާގެ މައްޗަށް އިތުބާރު ނެތް ކަމުގެ ވޯޓު ނަގައި އޭނާ އެމަގާމުން ދުރު ކުރުމަށް ފަހުއެވެ.
