ރައީސް އޮފީހުގެ މިނިސްޓަރަކަށް އެމްޑީޕީގެ ނައިބު ރައީސް މުޙައްމަދު ޝިފާޒް އަދި ސްޓޭޓް މިނިސްޓަރަކަށް ރާއްޖެ ޓީވީގެ ކުރީގެ ޗެއާމަން އަކްރަމް ކަމާލުއްދީން މިއަދު ހަމަޖައްސަވައިފިއެވެ.
ޝިފާޒަށް ރައީސް އޮފީހުގެ މިނިސްޓަރުކަން ދެއްވައިފިކަން ރައީސް އޮފީހުގެ އޮފިޝަަލަކު ވަނީ ކަށަވަރު ކޮށްދެއްވާފައެވެ.
މައުލޫމާތު ލިބިފައިވާ ގޮތުގައި އަކްރަމު އައްޔަނު ކުރައްވާފައިވަނީ މިނިސްޓަރ އޮފް ނޭޝަނަލް ޕްލޭނިންގ އެންޑް އިންފްރާސްޓްރަކްޗާ ގެ ސްޓޭޓް މިނިސްޓަރަކަށެވެ.
ރައީސް އޮފީހުގެ މިނިސްޓަރަކަށް ޝިފާޒު އައްޔަނު ކުރެއްވުމާއެކު، މިހާރު އެއޮފީހުގައި ތިން މިނިސްޓަރަކު ތިއްބަވާނެއެވެ. އެއީ ޝިފާޒް އާއި ކުރީގެ ފޮރިން މިނިސްޓަރ އަހުމަދު ނަސީމް ގެ އިތުރުން އެމްޑީޕީ ގެ ކުރިގެ ޗެއާޕާސަންގެ ނައިބު އަލީ ޝިޔާމް އެވެ.
އަކްރަމް އަށް ސްޓޭޓް މިނިސްޓަރުކަން ދެއްވިއިރު، އެފެންވަރުގެ އިތުރު އަށް ބޭފުޅަކު ރައީސް އޮފީހުގައި ތިއްބަވައެވެ. މިއީ އައު ސަރުކާރުގެ މިނިސްޓްރީ އަކަށް ސްޓޭޓް މިނިސްޓަރެއް އައްޔަނު ކުރެއްވި ފުރަތަމަ ފަހަރެވެ.
