ދިވެހިރާއްޖޭގެ އިސްލާމީ ޔުނިވަރސިޓީ (އައިޔޫއެމް) ގެ ސެންޓަރ ފޮރ ޕޯސްޓްގްރެޖުއޭޓް ސްޓަޑީޒްއިން "ލައިބްރަރީ އިންފޮމޭޝަން ސެޝަން" ގެ ނަމުގައި ޚާއްޞަ ސެޝަނެއް ބޭއްވުމަށް ތައްޔާރުވެއްޖެއެވެ.
މި ސެޝަނަކީ ޕޯސްޓްގްރެޖުއޭޓް ނުވަތަ ބެޗްލަރސް ޑިގްރީ ހާސިލުކޮށްފައިވާ ދަރިވަރުންނަށް އަމާޒުކޮށްގެން ބާއްވާ ސެޝަނެކެވެ. މި ސެޝަންގެ ފެސިލިޓޭޓަރަކީ އައިޔޫއެމްގެ ޗީފް ލައިބްރޭރިއަން، ފާތިމަތު ނަޝްއަތެވެ.
މި ސެޝަންގައި މާސްޓަރސް ޑިގްރީއަށް ނުވަތަ އެއަށްވުރެ މަތީ ފެންވަރެއްގެ ތަޢުލީމު ހާސިލުކުރަމުންދާ ނުވަތަ ހާސިލުކުރުމަށް ޝައުޤުވެރިވާ ފަރާތްތަކަށް ބޭނުންތެރި ފޮތްތަކާއި އެހެނިހެން ވަސީލަތްތަކާ ގުޅޭ މަޢުލޫމާތު ހިއްސާކުރެވޭނެއެވެ.
މި ސެޝަން އޮންނާނީ 25 އޮގަސްޓް 2024 ވާ އާދީއްތަ ދުވަހުގެ ރޭގަނޑު 20:30 އިން 22:00 އަށެވެ. މި ސެޝަން ކުރިއަށްދާނީ އޮންލައިންކޮށެވެ.
ސެޝަންގައި ބައިވެރިވުމަށް ޝައުޤުވެރިވާ ފަރާތްތަކަށް ތިރީގައިވާ ލިންކު މެދުވެރިކޮށް އޮންލައިންކޮށް ބައިވެރިވެވޭނެއެވެ:
http://meet.google.com/cme-zqte-nyt
އައިޔޫއެމްއިން މިފަދަ ސެޝަނެއް ބޭއްވުމުގެ މަޤްޞަދަކީ މަތީ ތަޢުލީމު ހާސިލުކުރާ ދަރިވަރުންނަށް ބޭނުންތެރި މަޢުލޫމާތު ފޯރުކޮށްދިނުމާއި، ދިރާސާކުރުމުގައި ބޭނުންވާ ވަސީލަތްތަކާ ބެހޭ މަޢުލޫމާތު ހިއްސާކުރުމެވެ. މިއީ ދަރިވަރުންގެ ތަޢުލީމީ ދަތުރުގައި އެހީތެރިވެދިނުމަށް އައިޔޫއެމްއިން އަޅާ މުހިންމު ފިޔަވަޅެކެވެ.
