ފަލަސްތީނުގެ ޣައްޒާއަށް އިސްރާއީލުން ދެމުން އަންނަ ހަމަލާތައް ވަގުތުން ހުއްޓާލުމަށް އދ. ގެ ސަލާމަތީ މަޖިލީހުން އިއްޔެ ފާސްކުރި ގަރާރާ އެއްގޮތަށް އަމަލު ކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިސްރާއީލަށް ގޮވާލައްވައިފިއެވެ.
ރައީސް މިފަދައިން ވިދާޅުވެފައި ވަނީ އެމަނިކުފާނު އެކްސްގައި ކުރެއްވި ޕޯސްޓެއްގައިއެވެ.
We commend the adoption of the long awaited @UN Security Council resolution demanding an immediate humanitarian ceasefire during the holy month of Ramadan in Gaza. This has been long overdue.
— Dr Mohamed Muizzu (@MMuizzu) March 26, 2024
We demand that the resolution adopted today is fully implemented, and call upon Israel…
ރައީސް ވަނީ އދ. އިން ފާސްކުރި ގަރާރު ފުރިހަމައަށް ތަންފީޒު ކުރުމަށް ޑިމާންޑް ކުރައްވާފައިއެވެ. އަދި އެ ގަރާރަށް ފުރިހަމައަށް ތަބާވުމަށްވެސް އިސްރާއީލަށް ގޮވާލައްވާފައިއެވެ.
ހަމަލާތައް ހުއްޓާލާނެ ކަމުގެ އުއްމީދަކީ އިސްރާއީލުން މެދުނުކެނޑި ދެމުން އަންނަ ހަމަލާތަކުގެ ތެރޭގައި ރަމަޟާން މަހުގެ ހަގީގީ ރޫހު ދައްކުވައިދެމުން އަންނަ ޣައްޒާގެ ރައްޔިތުންނަށް ލިނބިގެންދާނެ ލުޔެއް ކަމަކަށާޢި މި ހަމަލާތައް ދާއިމަށް ހުއްޓުވައި، އިސްރާއީލުން ނަސްލު ނައްތާލުމަށް ކުރަމުންދާ އަމަލުތައް ހުއްޓާލުމަށް ބައިނަލްއަގުވާމީ މުޖުތަމައު ގުޅިގެން މެދުނުކެނޑި މަސައްކަތް ކުރަން ޖެހޭކަން ވެސް ރައީސް ފާހަގަކުރެއްވިއެވެ. އަދި ފަލަސްތީނަށްޓަކައި މުޅި ދުނިޔެވެސް އިތުރު ކަންކަން ކުރަން ޖެހޭކަން އެމަނިކުފާނު ވަނީ ފާހަގަކުރައްވާފައެވެ.
މި ގަރާރު ފާސްކޮށްފައިވަނީ ވޯޓުގައި ބައިވެރި 15 ގައުމުގެ ތެރެއިން 14 ޤައުމުގެ ތާއީދާއެކުގައެވެ. މިވޯޓުގައި އެމެރިކާއިން ވަނީ އެއްވެސް ކޮޅަކަށް ވޯޓު ނުދޭން ނިންމާފައެވެ.
