ޖުލައިމަހު މަސްވެރިންގެ ދަފްތަރު އެކުލަވާލުމުގެ މަސައްކަތް ނިމޭނެ ކަމަށް މަސްވެރިކަމާއި ކަނޑުގެ ވަސީލަތްތަކާބެހޭ ވަޒީރު އަޙުމަދު ޝިޔާމު ވިދާޅުވެއްޖެއެވެ.
ދަފްތަރު އެކުލަވާލުމުގެ އެންމެފަހުގެ ތަފްސީލްތައް ހިއްސާކުރަމުން ވަޒީރު ޝިޔާމު ވިދާޅުވީ، ވުޒާރާއިން ކައުންސިލްތަކާއި ގުޅިގެން ދަފްތަރު ފުރިހަމަ ކުރުމުގެ މަސައްކަތްކުރަމުންދާ ކަމަށާއި އަންނަ ޖުލައިމަހު ހިސާބު ދަފްތަރު ފުރިހަމަވެގެންދާނެ ކަމަށެވެ.
"އަޅުގަނޑުމެންގެ ޓީމުތައް، ގއ،ގދ. އައްޑޫ ސިޓީ، ފުވައްމުލަށް ސިޓީ، ލ، ށ، އދ. އަދި ހދ، އަތޮޅުގައި ޓީމުތައް ދަނީ ހަރަކާތްތެރިވަމުން، މި ޓީމުތައް ދެން ހަރަކާތްތެރިވާނީ، ހއ، ޅ، ތ، އަދި ހަމަ އެއާ އެކީ މާލެ ހުޅުމާލެ، މި ސަރަހައްދުގައި،" ވަޒީރު ޝިޔާމު ވިދާޅުވިއެވެ.
