އިސްލާމީ މަރުކަޒުގެ އިސް އިމާމް ޝައިހް މުހައްމަދު ލަތީފް ދިވެހިރާއްޖޭގެ ޒަކާތު ހައުސް ވެބްސައިޓް ލޯންޗުކޮށްދެއްވައިފިއެވެ.
މި ރަސްމިއްޔާތުގައި ވާހަކަދައްކަވަމުން އިސްލާމީ ކަންތައްތަކާއި ބެހޭ ވަޒީރު ޑރ. ޝަހީމް އަލީ ސައީދު ވިދާޅުވީ، މި ވެބްސައިޓްގެ އެންމެ މުހިންމު އެއް ބޭނުމަކީ ޒަކާތާއި ބެހޭގޮތުން ކުރެވޭ އެންމެހައި މުއާމަލާތްތައް ރައްޔިތުންނާއި ގާތަށް ގެނެސްދިނުންކަމަށެވެ. އަދި މި ވެބްސައިޓް މެދުވެރިކޮށް ޒަކާތު ފަންޑު ހިނގަމުންދާ ގޮތުގެ ތަފްސީލްތައް ރައްޔިތުންނަށް ކިޔައިދެވިގެންދާނެކަމަށް ޝަހީމް ވިދާޅުވިއެވެ.
ދިވެހިރާއްޖޭގެ ޒަކާތު ހައުސް އިފްތިތާހުކޮށްދެއްވީ މިމަހުގެ 2 ވަނަ ދުވަހު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ. "ދިވެހިރާއްޖޭގެ ޒަކާތު ހައުސް" އަކީ ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 116 ވަނަ މާއްދާއިން ރައީސުލްޖުމްހޫރިއްޔާއަށް ލިބިވަޑައިގަންނަވާ އިޚްތިޔާރުގެ ދަށުން އުފެއްދެވި އިދާރާއެކެވެ.
Today marks the official launch of the 'Maldives Zakaath House' website,a momentous occasion held at the Ministry of Islamic Affairs.The website serves as a dynamic platform through which the public can access the updates on the ongoing endeavors of 'Maldives Zakaath House’. pic.twitter.com/pqP8Ls6Doj
— Ministry of Islamic Affairs (@MVIaffairs) January 25, 2024
