"ޤައުމަށް ފައިދާކުރާނީ ހަރުދަނާ ޖީލެއް ބިނާކުރެވިގެން!
ހޯމް ސްޓޭގެ ސަބަބުން ކުދިންގެ ތަރުބިއްޔަތު ހަލާކުވެގެންދިއުމަކީ ޤައުމަށް ލިބޭ އަގުނުކުރެވޭވަރުގެ ބޮޑު ގެއްލުމެއް!"
- ޑރ. މުޙައްމަދު އިޔާޟް ޢަބްދުއްލަޠީފް
ސަރުކާރުން ތަޢާރަފްކުރި ހޯމް ސްޓޭ ޕްރޮގްރާމާއިމެދު ދިނީ ޢިލްމުވެރިން ކަންބޮޑުވުން ފައުލުކުރައްވަމުން ގެންދަވަނީ މިފަދަ ކަންކަން ފަށާއިރު ސަރުކާރުން ދައްކާ އެއްވެސް ވާހަކައަކަށް ޢަމަލުނުކުރުމުން ކަންކަން ގޯހުން ގޯހަށް ބަދަލުވަމުންދާތީއެވެ. ރަށްރަށަށް ތަޢާރަފްކުރި ފަތުރުވެރިކަން ތަޢާރަފްކުރަމުން ދެއްކި އެއްވެސް ވާހަކައަކަށް ޢަމަލު ނުކުރުމުން 10 އަހަރުވީއިރު މީހުން ދިރިއުޅޭ ރަށްތައް މިވަނީ ރިޒޯތުތަކަކަށް ބަދަލުވެފައެވެ. ދެފޮތކޮޅު ޢާންމުކަމަކަށްވެފައެވެ.
ވީމާ ޤަވާއިދުހަދައި އިސްލާމް ދީނުގެ ކަންކަން ޙިމާޔަތްކޮށް ބަލަހައްޓާނެ ކަމަށް ސަރުކާރުން ދައްކާ އެއްވެސް ވާހަކައަކަށް އެއްވެސް އިތުބާރެއް މިހާރަކު ނެތެވެ.
