މައިލޯ ނެޓްބޯލް ޓޫނަމަންޓްގެ ފިރިހެނުންގެ ޗެމްޕިއަނަކަން ކުޅުދުއްފުށި ޔޫތު އެންޑް ރެކްރިއޭޝަން ކްލަބް (ކޭވައިއާރުސީ) ހޯދައިފިއެވެ.
ޗެމްޕިއަނަކަން ކުޅުދުއްފުށި ޔޫތު އެންޑް ރެކްރިއޭޝަން ކްލަބް (ކޭވައިއާރުސީ) ހޯދީ ކްލަބް މެޓްރިކްސް އާއި ބައްދަލުކޮށް 27/30 އިން މެޗް ކާމިޔާބުކޮށްގެންނެވެ.
މެޗުގެ ކްޔީން އޮފްދަ މެޗަކަށް ހޮވިފައިވަނީ ކުޅުދުއްފުށި ޔޫތު އެންޑް ރެކްރިއޭޝަން ކްލަބް (ކޭވައިއާރުސީ) ގެ މުޙައްމަދު އަރާޝް އަސަދު އެވެ.
މުބާރާތުގެ އެންމެ މޮޅު 7 ކުޅުންތެރިންގެ ތެރޭގައި ކުޅުދުއްފުށި ޔޫތު އެންޑް ރެކްރިއޭޝަން ކްލަބް (ކޭވައިއާރުސީ) ގެ 4 ކުޅުންތެރިން ހޮވިފައިވެއެވެ. އެއީ ހުސައިން ސަވީލް، އަޙްމަދު ހުޝާމް، މުޙައްމަދު އަފްރާޝް އައްސަދު، އަދި ޙުސައިން ޙަލީމް އެވެ.
ކްލަބް މެޓްރިކްސްގެ 3 ކުޅުން ތެރިން ހޮވިފައިވެއެވެ. އެއީ، އިބްރާހީމް އިޔާޒް، އަހްމަދު އަިޝަން ރަޝީދު އަދި އިސްމާޢީލް ފަރުޙާންއެވެ.
"ޕްލޭޔަރ އޮފްދަ ސީރީޒްގެ މަޤާމް ޙާޞިލްކުރީ މުބާރާތުގެ ޗެމްޕިއަންކަން ހޯދި ކުޅުދުއްފުށި ޔޫތު އެންޑް ރެކްރިއޭޝަން ކްލަބް (ކޭވައިއާރުސީ) ގެ ޙުސައިން ސަވީލް އެވެ.
