ކޮވިޑް-19 އިން ރައްކާތެރިވުމަށް މާލޭ ސަރަހައްދުގައި އިއުލާންކޮށްފައިވާ ކާފިޔު އުވާލުމަށް ނިންމައިފިކަން ސަރުކާރުން އިއުލާނުކޮށްފިއެވެ.
ކާފިޔު އުވާލުމާ ގުޅިގެން އާންމު ހިދުމަތްދޭ ފިހާރާތަކާއި ކެފޭ ރެސްޓޯރަންޓް ފަދަ ތަންތަން ވެސް އާންމު އުސޫލުގައި ހުޅުވައިގެން ހިދުމަތް ދޭ ގަޑީގައި ހިދުމަތް ދެވޭނެ އެވެ.
މާލެ ސަރަހައްދުގައި މިފަހަރު ކާފިޔު އިއުލާން ކުރީ މިދިއަ މެއި މަހުގެ 12 ވަނަ ދުވަހުއެވެ.
ކާފިޔު އިއުލާނުކުރުމަށްފަހު މިސްކިތްތައް ބަންދުކޮށް ޖަމާޢަތުގައި ނަމާދުކުރުން މެދުކަނޑައިލި ނަމަވެސް ބައެއް މިސްކިތްތަކުގައި ވަނީ ހަމަ ގައިކައިރިކޮށް ސުންނަތާއިއެއްގޮތަށް ފަރުޟު 5 ނަމާދުކުރުމާއި ހުކުރު ނަމާދުކުރުން ކުރިއަށް ގެންގޮސްފައެވެ.
